Кайра шайлоо. Добуш берүүгө ким барат?
16.02.2022
Эки жумадан кийин, 27-февралда Бишкектин эки бир мандаттуу округу боюнча Жогорку Кеңештин депутаттарын кайра шайлоо өтөт.
Жалпысынан 120 УШК ачылган. 5-февралга карата расмий маалымат боюнча, Биринчи май жана Свердлов райондорунда 215 миң 599 шайлоочу болсо, алардын жарымынан көбү аялдар.
Жаш курагы боюнча 30-39 жана 18-29 жаштагылар шайлоочулардын басымдуу бөлүгүн түзөт.
УШКларда шайлоочулардын биротоло тизмелери 22-февралга чейин илинет. Шайлоочулардын арыздары (шайлоочу жөнүндө ката же так эместик аныкталган учурда) 16-февралга чейин кабыл алынат.
“Жалпы иш” фонду кайра шайлоого көзкарандысыз байкоо жүргүзүүнү улантууда.
